ອາເມຣິກາສືບຕໍ່ທົດລອງຍິງສົ່ງຍານ X-37B ຂຶ້ນສູ່ອະວະກາດ
ໜັງສືພິມກອງທັບປະຊາຊົນຫວຽດນາມ ເປີດເຜີຍວ່າ: ພາຍຫຼັງທີ່ແຜນການຍິງສົ່ງຍານອະວະກາດ X-37B ຂຶ້ນສູ່ວົງໂຄ
ຈອນໄດ້ຖືກເລື່ອນເວລາອອກໄປຫຼາຍຄັ້ງ, ມາເຖິງວັນທີ 11 ທັນວາ 2023 ນີ້ ສະຫະລັດ ອາເມຣິກາ ໄດ້ສືບຕໍ່ດຳເນີນການທົດ
ລອງຍິງສົ່ງຍານດັ່ງກ່າວຂຶ້ນສູ່ວົງຄົງຈອນອີກຄັ້ງ ຈາກສະຖານີອະວະກາດ Cape Canaveral, ໃນລັດ Florida ໃນຕອນ
ແລງຂອງວັນອາທິດທີ 10 ທັນວາ 2023.
ລາຍງານໄດ້ໃຫ້ຮູ້ວ່າ: ສາເຫດທີ່ພາໃຫ້ແຜນການທົດລອງຍິງສົ່ງຍານດັ່ງກ່າວຖືກເລື່ອນອອກໄປຫຼາຍຄັ້ງໃນໄລຍະຜ່ານມາ
ນັ້ນ ແມ່ນຍ້ອນສະພາບຄວາມຫຍຸ້ງຍາກທາງດ້ານດິນຟ້າອາກາດ ທີ່ເກີດມີຝົນຕົກໜັກ, ລົມແຮງ ແລະ ມີເມກປົກຄຸມຫຼາຍ
ຈົນສາມາດຄາດຄະເນໄດ້ວ່າອັດຕາຜົນສຳເລັດໃນການທົດລອງຍິງສົ່ງຍານມີພຽງແຕ່ 40% ໃນສະພາບດິນຟ້າອາກາດດັ່ງກ່າວ.
ເຈົ້າໜ້າທີ່ຮັບຜິດຊອບວຽກງານການຍິງສົ່ງຍານດັ່ງກ່າວຂອງ ສະຫະລັດ ຜູ້ໜຶ່ງໄດ້ກ່າວວ່າ: ຍານອະວະກາດ X-37B ແມ່ນ
ຈະເຮັດໜ້າທີ່ໃນການທົດລອງສະໜອງຂໍ້ມູນທາງອະວະກາດໃຫ້ ສະຫະລັດອາເມຣິກາ ທັງໃນປະຈຸບັນ ແລະ ອະນາຄົດ.
ນອກນີ້, ຍານ X-37B ຍັງຖືກນຳໃຊ້ໃນການສົ່ງດາວທຽມຂະໜາດນ້ອຍຂຶ້ນສູ່ອະວະກາດອີກ, ແຕ່ບໍ່ມີການເປີດເຜີຍ
ກ່ຽວກັບພາລະກິດດັ່ງກ່າວ.
ແຫຼ່ງທີ່ມາ: ໜັງສືພິມກອງທັບ
ວັນທີ 22/12/2023